Toheal app - Anonymous Peer-to-Peer Emotional Support

Chilli_66386 🇶🇦

5 minutes ago

Feeling Heartbroken

هحكيلكم موقف وربنا يحاسبني على كل كلمه هقولها!🙈 خاطب بقالي سنه وان شاء فرحي ف 10،من شهر بالظبط أخويا عمل حـ,ـادثه طلع منها حى بفضل وستر ربنا بس جسمه إتبهدل ،ركب شرايح ومسامير ف رجليه الاتنين وإيديه الأتنين إتك*سروا غير كـ,ـسر ف الجمجمه والحمد لله ربنا سترها عليه ونجاه. أخويا ده ف مقام والدي وهو ا

Express your Feeling anonymously

هحكيلكم موقف وربنا يحاسبني على كل كلمه هقولها!🙈

خاطب بقالي سنه وان شاء فرحي ف 10،من شهر بالظبط أخويا عمل حـ,ـادثه طلع منها حى بفضل وستر ربنا بس جسمه إتبهدل ،ركب شرايح ومسامير ف رجليه الاتنين وإيديه الأتنين إتك*سروا غير كـ,ـسر ف الجمجمه والحمد لله ربنا سترها عليه ونجاه.

أخويا ده ف مقام والدي وهو اللي ليا ف الدنيا ،الاب والام والصاحب .

ظروفه مش أحسن حاجه وبيكافح عشان يعيش أسرته عيشه كريمه.

ف الوقت ده أنا كان معايا 110الف ،كل قرش فيهم كاتب ف ورقه هيروح فين ولأيه ،منهم فلوس العفش ،وتكاليف كوافير العروسه وفستانها والسيشن . وكنت بحاول أجمع عليهم أي قرش عشان متزنقش واحتاج لحد!

وقفت جنب أخويا ،عمل عمـ,ـلياته وربنا خد بأيده ورجع بيته والفلوس إتصرفت .

كل ده وانا بفكر هقول لحمايا إيه وهل هيقدر وقفتي جنب أخويا ولا هيشوفها قله تقدير وخلف إتفاق معاه!!

سكت اسبوع بحاول أرتب أفكاري وأشوف هقدر أعمل إيه قبل ما اواجه حمايا واقوله ممكن نأجل .

الدنيا مقفله مفيش حاجة نافعه ولا راضيه تظبط واستحالة اقول لحد إديني وادور على جمعيات أق*بضها ف ال٣ شهور الباقيين على الفرح .كله يا إما الدور ال20يا أبعد من كده!!

كان معايا 20ف جيبي كل ما املك حرفياً ،روحت الماركت بشترى واحده مولتو وكنت جعان ولسا بحطها ف بوقي لقيت طفل بيشدني وبيقولي يا عمو ممكن حته ،متردتش واديتها له واشتريت له كمان واحده بال10الباقيه ،وال20جنيه دي كانت سبب الانفراجه بعد كده!
يومها بالليل ،خطيبتي بتقولي متغير ليه قولتلها مفيش هقفل اصلي وبكره نتكلم..

قومت صليت القيام وبعدها مش جايلي نوم وورايا شغل الصبح ،قرأن الفجر اشتغل ،إتوضيت تاني..

الجامع له طريقين ،طريق ميتجاوزش 300متر وده دايما اللي بمشي منه للجامع وطريق تاني لفه كبيره ف حدود كيلو إلا .

والله لقتني بدون ما أحس ماشي رايح للجامع من الاتجاه التاني ومأدركتش الا بعدها ب 8دقايق لما طلعت ع الطريق الرئيسي بره.

وقت ما أدركت ،ضحكت على نفسي وقولت كتر التفكير والهم نعم دماغك إلحق نفسك قبل ما تحدف العيال بالطوب ف الشارع.وكملت وانا بعادتي اي طوبه او زلطه على الطريق بزقها برجلي ف جنب وماشي بسبح وبستغفر ربنا وبقول يمكن ربنا جابك من هنا عشان تاخد حسنات اكتر وانت على وضوء رايح تصلي .

زلطه صغيره بزقها ف جنب برجلي ردت ف كيس أسمر ع جنب الطريق بعد ما عديت محجر الأسمنت والرمل ،خدت بالي من الكيس هو كمان روحت اشيل الزلطه بالكيس ف جنب ،حسيت بملمس الكيس انه مش جواه زباله او فضليات اي حاجه ،بفتحه لقيت 10رزم كلهم بأستك البنك !!

روحت الجامع ،قبل الصلاه ،زعت ف الجامع ووالله صاحب الفلوس داخل يصلي وانا بذيع !!

خلصت اذاعه لقيته جاي بيقولي انا واقع مني فلوس ف كيس أسمر بقالهم يومين وزعت ف البلد كلها موصلتش لحاجه ،قولتله كام وفئات الفلوس إيه ؟

قالي 50الف بفئه 200 و50 بفئة 100 عليهم أستك طابعه البنك وف كيس أسمر .🫣🫣

انا جسمي وقتها قشعر من عظمة وقدرة ربنا ودماغى بتفكر وبتتعجب ف تدابيره وحكمته ،م اول ما جيت م الطريق اللي مش متعود عليه والزلطة اللي ردت ف الكيس عشان اشوفه وحلال مال الراجل ده ان ف الوقت اللي ألاقي فيه الفلوس يكون هو داخل الجامع يصلي ،مجاش ف بالي غير ان الراجل ده بينه وبين ربنا حاجه عشان يدبره له أمره بالشكل ده ويرد ضالته.

بس الحقيقه أنه كان خير ليا انا وتدبير لامرى انا من ربنا بدأ من هنا !

بعد ما الراجل خد فلوسه وطلع كلامه صح ،لقيته بيديني 20الف ،بقوله بتوع إيه قالي حقك ،قولتله لأ مش حقي ده واجب وأمانه رديتها لأصحابها ،قالي خد الفلوس انت تستحقها ،محروج وببص حواليا كل الناس متابعه والابتسامه مرسومه على وشهم واجتمعوا إني اخد الفلوس ،بقوله لا وحتي كتير على نسبتي الشرعيه وانا مش محتاج حاجه فرحتي انهم رجعولك ،قالي انا استعوضت ربنا فيهم وقولت مش راجعين وندرت انهم لو رجعوا اللي لقاهم نصيبه 20 الف منهم ،من هنا لهنا خدت الفلوس.

رجعت م الشغل ف نفس اليوم ،لقيت خالي عندنا ف البيت ،مبنتكلمش من 2013بسبب أكله لورث أمي ،قولت يمكن جاي عشان اخويا ،طلعت شقتي وبعدها نزلت لما مشي ،لقيت مرات اخويا بتديني 60الف ورث أمي …

الموضوع كان عادي لان أخويا له نصهم وامي ربنا يعطيها الصحه موجوده ،اخويا الله يباركله قالي ربنا بيعوضك على وقفتك معايا ،الفلوس خدها كلها وتمم جوازتك .😍

أصبح معايا 80 الف من حيث لا أدرى ،لو حد كان قالي خالك هيدي امك حقها كنت هقسم انه مستحيل لكنها ارادة ربنا .💗

يمكن لسا محتاج عليهم مبلغ بس الحمد والمنة والشكر لله ،كأني كنت ف نص البحر مش لاقي منقذ وربنا بعتلي موجه قربتني من الشط وبقيت ف الأمان ،واتجوز ف ميعادي وعليا دين أهون وأجمل بكتير من ان خطيبتي تضيع مني .

معرفش والله بحكي ليه ويمكن ناس تنتقد قصتي من طولها،بس اللي وصل لهنا أكيد حب يكمل القصه ويعرف النتيجه..يمكن مستني اشاره ،يمكن محتاج يطمن ،يمكن محتاج يتشجع على عمل الخير ،المهم إني حكيت لأني حبيت اقولكم استمروا ف الأطعام ولو بسكوته هتديها لطفل متعرفش بسببها هتعود عليك ازاي بالخير.المهم النوايا تكون لله

منقول

Private Advice

Switch to receiving private advice for your post; otherwise it will be publicly visible.

Mango_76647 🇪🇬

9 minutes ago

Feeling Worried

انا مديق اوووووي كان في حفلة بحضر لها من كام يوم لمحبي الانمي النهارده في family park الرحاب و حجزت التكيت و جهزت لبس الشخصية الي هلبسها في الحفله لما وصلت الحفلة دلوقتي لقيت كل فيها اندر ايدج 🥲 تقريبا كونت اكبر واحد في الحفلة و فخرجت منها و مش عارف اروح فين دلوقتي 🥲🥲

Hazelnut_64540 🇪🇬

19 minutes ago

Feeling Alone

لست شخص سئ وا جيداو محتال كل ما في الأمر اني لا املك ما يجعلني اجد شخص ليكون بجانبي دائماً ولاكن احتياجي لوجود من يحتويني الشعور بالوحدة هو حالة من الاحتياج إلى اتصال عميق وليس سطحيا، وهي حالة نفسية ليس لها علاقة ببقاء الشخص وحيدا، فهناك من يعيش وحده دون أن يشكو من شيء، وغيره يشعر بوحدة شديدة وحز

Mango_74726 🇪🇬

36 minutes ago

Feeling Lost

الواحد بعد التخرج بيبتدي يكتشف الحياة كانه اول مرة يعيشها وبيكتشف انه وحيد ومش عارف يعمل اي ييجي يعمل هواياته يحس انه فقد الشغف ليها ييجي يخرج او يعوز يتكلم مع حد ميلاقيش عشان الي حواليه مش فاضيين فبيبتدي يحس انه وحيد اوي وعايش مع نفسه بتعملو اي ياجماعة بعد التخرج وهل حد مر بدا وعمل اي انا حاسة ان

Biscuit_86173 🇪🇬

40 minutes ago

Feeling Worried

سلام عليكم انا في سنة خامسة اسنان جامعة عين شمس اخر سنة ان شاء الله بس متوترة جدا و مش لحقى اذاكر المنهج ولا عارفة طريقتي دي صح كدا ولا غلط انا بنزل طول الاسبوع معدا يوم الاربع حرفيا بكون من الساعة ٨ ص ل ٧م في العيادات بشتغل و حلات و كدا احنا دلوقتي في ٦ اسبوع و انا في ٢ اسبوع من كل مادة ماعدا م

Croissant_81419 🇪🇬

41 minutes ago

Feeling Bored

عاوز اقول نصيحة سريعه جدا جدا الحب لوحده مش بيحقق علاقة زوجيه سعيده لو مشغلتش مخك و فكرت في تصرقات الشخص اللي معاك قبل ما تتجوزه بعد ما هتتجوزه هتزهق منه والحب هيروح و يتبدأ تفكر في تصرافته وساعتها الندم مش هيفيدك في حاجه احنا ممكن نحب ناس كتير عادي جدا بس مش كلهم هيناسبونا فكروا فكروا فكروا

Banana_52613 🇪🇬

1 hour ago

Feeling Disappointed

حاسه اني مضايقه من نفسي اوي وحياتي يمكن كل حاجه دلوقتي اتطورت ف بجد مش قادره انا أضعف من كل دا كله بيجي ورا بعض مش عارفه بجد اعمل ايه معدتش مرتاحه محتاجه واحده افضل احكيلها وتلاقي حلول مع بعض مش تقولي معلش كلنا عندنا دا وفتره أو كدا دا بيعصبني من الناس اكتر حاسه اني بموت جوايا علشان في حاجات مينفعش

Cherry_58424 🇪🇬

1 hour ago

Feeling Emotional

بقالي فتره طويله لوحدي اوقات كتير بتمنى الاقي حد شبهي او حد يفهمني حتى الشخص اللي انخطبتله مكانش عايزني لشخصي كان عايز اي زوجه وخلاص كنت دايما بتمنى اني يكون ليا حد فعلا يحبني وانا احبه واننا نتعود على صفات بعض يعني نزلت الشغل عشانن ابعد عن شعور الوحده القاتل دا ومش عايزه اقعد في البيت عشان عارفه ا

Carrot_80292 🇩🇿

1 hour ago

Feeling Shy

Express your Feeling anonymously

I was always the quiet one Not because I didn’t feel things but because I felt them too much rooms were loud and I preferred the corners the ones where the light hits gently where no one watches but everything grows Do I belong here? I asked myself that more than once Not loudly just in passing Just in silence I watched people like stories listened like it was a language I knew when the wind was about to shift I knew when someone was pretending to be okay Am I the only one who sees these things? Sometimes I felt invisible Other times like I was the only one truly seeing My childhood wasn’t loud It was full of tiny moments: the smell of fresh notebooks windows after the rain the way my heart beat when someone called my name gently I found comfort in soft things a warm cup of tea blankets that smelled like home and the way my mother’s voice would lower when she was proud Why do I remember the little things more than the big ones? Maybe because the little things were where I felt safe Back then I didn’t know what I was becoming I only knew that I didn’t quite fit in the noise But I knew I wasn’t meant to stay hidden forever There was something soft in me  a quiet bloom a whisper of something more Like the first bud in spring that pushes through cold soil fragile but certain small but full of promise Will they ever understand this part of me? Maybe they don’t need to Maybe I just need to understand it myself I wasn’t waiting to be noticed I was waiting to become And that takes time That takes silence That takes the kind of patience no one teaches you only the soul understands it And now when I look back I realize that my quiet wasn’t emptiness It was a seed And even in the silence I was already growing Sometimes I wondered “Is there something wrong with me?” Why did I find comfort in shadows in the unnoticed the unheard? But slowly I started to understand it wasn’t wrong It was different And maybe different was my superpower I didn’t need to be loud to be seen I just needed to see myself first And in those quiet corners where light spilled like a secret I whispered to myself “ It’s okay You’re allowed to be this soft This deep " I wasn’t a void I was a quiet beginning

Private Advice

Switch to receiving private advice for your post; otherwise it will be publicly visible.